Sjuarhylla til Plogen

Med base på Sandane, tok Trond og eg 07:45-ferja frå Anda, 08:30-ferja frå Stårheim til Isane og ankom vakre Ålfoten i 9-tida.  Den vakre og ville naturen her inne, med sitt spesielle, ugjestmilde, men utfordrande  hyllesystem, forsterka vår allereie sterke forventning til endeleg å gå denne "sjuarhylla" som har fylt hovudet vårt sidan vi kom over det fascinerande stripete satelittkartet over dette området, og litt seinare fekk tips om denne "hylle 7" som leiar ein rett til Plogen.
Etter at Trond tynte Honda CRV'en opp lengst mogleg i dei isete traktorspora inn bomvegen i Førdedalen, sparte vi ca 1 km ... Litt surt, for vi hadde rekna med å starte minst 3 km lengre inne.   Dalen var lang med lite stigning, og etter slutten på vegen bar det gjennom snøfattig, tett skog og grov ur, med sine utfordringer til krevjande vegval med ski på beina og begrensa mengder snø.

Langs vatna i Førdedalen med sjuarhylla (rett over meg) - såvidt i sol. 

Litt "krøkkete" her.  Unngå å skrå oppover mot sjuarhylla for tidleg.

Men etter ein del trøbbel i skogen, så openbarte den solfylte og snødekte "sjuarhylla" seg som eit påske-postkort med si jamne fine snøflate oppover, klart adskilt frå hylle 8 med sin uendelege, loddrette fjellvegg som lurte oss til å tru at flyduren kom derifrå.
Knappe 3 timar etter start var vi komen opp til kun 540m høgde, og vi såg Plogen for første gong.

Plogen til høgre for "hylle 8".

Det såg betrakteleg lengre ut til toppen enn antatt, men sjuarhylla tok oss raskt oppover i jamn stigning, og vi nådde Plogen etter vel 7 timar på tur, kl 17:10 - godt slitne og fornøgde.  Maritinden stjal oppmerksomheten oppover med sitt karakteristiske og underfundige loddrette skar mot Saga...  Her må det finnast myter om korleis dette har gått til??  Og eg tippar namnet Saga kanskje er knytt til dette??
 Keipen dominerte landskapet med sin profil mot sola i aust.  Der oppe (5m høgre enn Plogen) stod vi ved midnatt ei sommarnatt i vår ungdom, dvs svært mange år sidan;)  Hjelmen dominerte i nordaust, og vi fekk også eit glimt av Hornelen lengre bak.

Saga med Maritinden over "hylle 8"

Sjuvatnet på Sjuarhylla.

Mot Saga, Maritinden og Plogen.

Trond framleis ved godt mot

Maritinden igjen...:)

Hylle 3,4,5,6, - sju -, 8,9,10,11 og 12...

Hornelen i disen

Trond foran hylle 7, 8, osv... :)

Maritinden med Ålfotbreen bak.
Blåbrebu ligg på ei av dei nedste hyllene der bak ein stad...

Sjuarhylla svingar seg nedover mot Førdedalen

I plog mot Keipen.

Hit, men ikkje lenger...

Trond ned att til skaret mot Saga med Maritinden til høgre.
Ålfotbreen bak.

Sola går ned bak Plogen, og skaren er eit faktum.

Trond i fint driv med Maritinden som tilskodar

Hjelmen i kveldssola

Snart mørkt, og nokså langt igjen ut dalen...

Byrjinga på nedturen vart eit lite antiklimaks, for føret var nokså vanskeleg på gjennombruddsskaren no når sola låg bak Plogen og vi var i skyggen.  Tross vårt tunge utstyr med plastsko og breie ski, vart det nokre fall.  Lengre nede kom føret seg, og sjuarhylla vart ein fin, jamn skrå nedtur i høg fart der venstrefoten verkeleg fekk kjenne mjølkesyra.  Vi brukte ca 1 time frå toppen og ned sjuarhylla til Førdedalen, vidare ca ein time gjennom den tette skogen til bilvegen, men no med skia av!!.  Så var det på med hodelyktene, og siste timen langs vegen ned til bilen, kl 20:45.

Fantastisk tur i vakre og karakteristiske omgivnader :)

11 timar på tur i roleg tempo.
30,4 km
Totalt 1400hm (ifølge gps)