Isklatring i gatelys

Søndag var Øystein, Kristoffer og eg på familietur ute i det fine vinter-været. Kristoffer klatra med ei isøks og stegjern halvveis opp isveggen langs vegen ved ungdomsskulen. Vinterisen viste seg knallhard i forhold til blåisturane våre om sommaren, og vi skjønte kvifor vinterisklatringsutstyret er ein del annleis.

Etter å ha studert isveggane langs vegen i dagesvis, var det onsdag klart for ny utfordring i ein fin liten isvegg i gatelys mellom Rongesunds-brua og Torsvik med Stig som fullt ut delte entusiasmen for å teste isklatring. Dette var langt tyngre enn vi hadde trudd og absolutt verdt tiltaket. Stegjerna og dei to isøksene satt ikkje som i blåisen om sommaren, og vi strevde og kavde med slitne underarmer som virkelig fikk gjennomgå. Men det ga meirsmak, og perspektivet er heretter endra til å kikke etter høg is langs vegen. Og faktisk dukka det søndag opp ein ny spennande isvegg på treningsturen ut til Skogsøy:) - sjekka topptaufeste, og det skulle gå greit med tre kiler, så kanskje vi legg avgårde ein dag...?

Då manglar vi berre ein topp for skikjøring i nærheten. Har sett på Spjeld-fjellet ned mot Spjeld, og med litt meir kulde (som er meldt) så sålen blir fast og fin, og med 10-20cm nysnø

så er det mulig det blir en liten testtur med hodelykt i veka som kjem...:)
Fantastisk kjekt med stabil vinter i Øygarden :)